ខេត្តបន្ទាយមានជ័យ ៖ អង្គភាពគេហទំព័រ អឹម អេស ខេ MSKnewsចេញផ្សាយថ្ងៃចន្ទ13កើត ខែបឋមសាឍ ឆ្នាំច សំរឹទ្ធស័ក ពុទ្ធសករាជ2562 ត្រូវនឹងថ្ងៃទី25 ខែមិថុនាឆ្នាំ2018 នេះ ភាពល្បីល្បាញអស្ចារ្យខ្លាំងណាស់លោកឧត្តមសេនីយ៍ត្រី ឃួន ជឿន ដែលមិនខ្ចីយកត្រចៀកស្តាប់និងអនុវត្តន៍តាមគោលការណ៍ថ្នាក់លើ ខណ:ពេលថ្មីៗនេះ សម្តេចក្រឡាហោម ស ខេង ឧបនាយករដ្ឋម ន្ត្រី និងជារដ្ឋមន្ត្រីក្រសួងមហាផ្ទៃបានចេញបទបញ្ជាយ៉ាងតឹងរឹងឲ្យបិទច្រករបៀងទាំងអស់នៅតាមបន្ទាត់ព្រំដែនកម្ពុជា- ថៃ និងវៀតណាមដើម្បីការពារសន្តិសុខ សណ្តាប់ធ្នាប់សាធារណ:និងធានាសុវត្ថិភាពសំរាប់ការបោះឆ្នោតដែលកាន់តែខិតជិតមកដល់ហើយ ប៉ុន្តែផ្ទុយទៅវិញលោកឧត្តមសេនីយ៍ត្រីឃួន ជឿន មេបញ្ជាការវរសេនាតូចលេខ503នគរបាលការពារព្រំដែនគោកបែរជាមិនខ្វល់ខ្វាយទៅនឹងសារាចរណែនាំរបស់សម្តេចក្រឡាហោមស ខេង ដោយលួចបើកច្រករបៀងនាំទំនិញគេចពន្ធគ្រប់ប្រភេទនិងសត្វគោក្របីរត់ពន្ធចេញចូលយ៉ាងគគ្លើនពីប្រទេសថៃមកកម្ពុជាដោយសេរីធ្វើឱ្យបទបញ្ជាសម្តេចក្រឡាហោមគ្មានប្រសិទ្ធភាពទាល់តែសោះ។
តាមប្រភពច្បាស់ការណ៍កាលពីថ្ងៃទី14 ខែមិថុនាឆ្នាំ2018នេះសកម្មភាពទំនិញលោតឆ័ត្រគេចពន្ធគ្រប់ប្រភេទនិងសត្វគោក្របីអត់ច្បាប់បានដឹកជញ្ជូនចូលតាមច្រករបៀងអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលគ្រប់គ្រងដោយលោកឃួន ជឿនបានបើកដៃឲ្យ ឈ្មួញនាំទំនិញនិងសត្វគោក្របីដឹកតាមរថយន្តធុនធំព្រមទាំងមានការដឹកជញ្ជូនទំនិញជាច្រើនមុខទៀតចេញពីទឹកដីនៃប្រទេសថៃ ដោយគ្មានការត្រួតពិនិត្យពីមន្ត្រីជំនាញឡើយ ហើយទំនិញទាំងនោះដោយគេដាក់ការសង្ស័យថាគឺ ជាប្រភេទទំនិញគ្មានគុណភាពឬហួសកាលបរិច្ឆេទជាដើមទាំងនេះបានធ្វើឲ្យប៉ះពាល់ដល់សុខភាពប្រជាពលរដ្ឋយ៉ាងធ្ងន់ធ្ងរនិងធ្វើឲ្យខាតបង់ប្រាក់ចំណូលរដ្ឋក្នុងមួយឆ្មាំៗ រាប់លានដុល្លារ។
ប្រភពបន្តឱ្យដឹងថា ទំនិញដែលឈ្មួញដឹកចេញពីប្រទេសថៃទាំងអស់នោះបានយកមក លាក់ទុកក្នុងព្រៃក្បែរច្រកខាងលើនេះសិន ហើយឈ្មួញបានយករថយន្តមកផ្ទេរយកទៅចែកចាយតាមខេត្តនានាយ៉ាងគគ្រឹកគគ្រេងដោយសារតែលោកឃួន ជឿនបើដៃទើបថៅកែទំនិញនិងថៅកែគោក្របីមិនញញើតកោតខ្លាចសម្តកិច្ចឬស្ថាប័នខាងណាមករារាំងនិងសួរនាំពួកគេបានឡើយពីព្រោះមានលោកឃួន ជឿនចេញមុខកាងផ្តាច់មុខនៅច្រករបៀងមួយនេះ។
ជាក់ស្តែងអ្នកសាព័ត៌មានបានចូលទៅផ្តិតយ ករូបភាពចំពេលដែលឈ្មួញកំពុងដឹកសត្វគោ ក្របីព្រមទាំងទំនិញផ្សេងៗទៀតចេញពីទឹកដីថៃ តែត្រូវបានទាហ៊ានជួរមុខដែលគ្រប់គ្រងដោយលោកឧត្តមសេនីត្រី ឃួន ជឿន មេវរសេ នាតូច(503) បានរារាំងមិនឲ្យថតឡើយដែល ទង្វើខាងលើនេះបញ្ជាក់ឲ្យដឹងច្បាស់ក្រឡែត ថាទាហ៊ាននៅទីនោះពិតជាមានចេតនាឃុបឃិ តជាមួយឈ្មួ ញយ៉ាងពិតប្រាកដនិងបើគ្មានការ
បើកភ្លើងខៀវពីលោកឧត្តមសេនីត្រី ឃួន ជឿន មេវរសេនាតូច (503)ទេនោះទាហ៊ានដែលជា កូនចៅនៅទីនោះក៏មិហ៊ានហាមឃាត់ដែរ។
ទាក់ទិនទៅនឹងករណីខាងលើនេះអង្គភាពសារព័ត៌មានយើងមិនអាចសុំការបំភ្លឺពីលោក ឧត្តមសេនីត្រី ឃួន ជឿនបានឡើយដោយកូនចៅមិនហ៊ានប្រាប់លេខទូរស័ព្ទមេនោះទេ តែទោះយ៉ាងណា អង្គភាពMSKnewsរង់ចាំការបំភ្លឺពីលោកឧត្តមសេនីត្រី ឃួន ជឿន រាល់ម៉ោងធ្វើការ ៕