ខេត្តក្រចេះ៖ កាលពីពេលថ្មីៗកន្លងទៅនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងផ្តល់អនុសាសន៍ថា”យើងត្រូវរួបរួមទាំងអស់គ្នា ក្នុងកិច្ចបង្វែរ ឬផ្ទេរមុខរបរគេចេញពីមុខរបរចាស់ ដូចជា កាប់ឈើ បាញ់សត្វ ធ្វើធ្យូង ជាដើម ឲ្យក្លាយជាការប្រកបមុខរបរផ្សេ ងដោយស្របច្បាប់ ដើម្បីថែរក្សាការពារព្រៃឈើ ក្នុងវិសាលភាពនៃទស្សនាចរធម្មជាតិ”។ ខណៈព្រៃឈើនៅតំបន់ភូមិភាគឦសាន្តកំពុងបាត់បង់រងការវិនាសហិនហោចអស់ទៅហើយនោះ បើទោះបីជាលោកឧកញ៉ា គង់ ក្រឹង មានមុ ខរបរថ្មីលក់ម៉ូតូ លក់ឡាន បើកការដ្ឋានចិញ្ចឹមគោ ចិញ្ចឹមក្របី បើកក្រុមហ៊ុនលក់ជីគីមី យ៉ាង ណាក្តី ក៏លោកឧកញ៉ា គង់ ក្រឹង នៅតែបន្តមុខ របរចាស់ដុះស្លែយ៉ាងកាក់បកបំផុតក្នុងជម្នួញឈើប្រណីតដឹកឆ្លងដែនយកទៅលក់នៅវៀតណាមដូចហែរកឋិនដដែលជាដដែល ដោយគ្មា នចេះកោតខ្លាចទៅនឹងច្បាប់របស់ប្រទេសកម្ពុជានោះទេ ជាពិសេសគឺបទបញ្ជាសម្តេចតេជោ ហ៊ុន សែន នាយករដ្ឋមន្ត្រីនោះឡើយ។
តាមសេចក្ដីរាយការណ៍ បានឲ្យដឹងថា លោក ឧកញ៉ា គង់ ក្រឹង នៅតែបន្តសកម្មភាពរកស៊ីតាមរបៀបដូចសត្វកណ្តៀរពីការប្រមូលទិញឈើដែលដឹកតាមម៉ូតូយ៉ាងគគ្រឹកគគ្រេងយកទៅចូលក្នុងឃ្លាំងស្តុកគរទុកសម្រាប់លើកដាក់រថយន្តយីឌុបផ្លូវប្រាំលួចដឹកចេញនៅពេលយប់
តាមច្រកទ្វារទ្វរភាគីវ៉ាលឺ ត្រពាំងស្រែ ស្ថិតនៅ ស្រុកស្នួល ខេត្តក្រចេះ បន្ទាប់ពីបានប្រមូលទិញពីក្រុមអ្នកដឹកឈើតាមម៉ូតូក្នុងតម្លៃថោកៗយកមកលាក់ទុកក្នុងដីឡូតិ៍នៅក្រោយផ្ទះដើមស្វាយចន្ទីនៅក្នុងក្រោលគោនៅក្រោយបន្ទាយវរៈការពារព្រំដែន២០៤របស់ខ្លួនរួចដឹកជញ្ជូនចេញទៅលក់នៅប្រទេសវៀតណាមក្នុងតម្លៃខ្ពស់មានចំនួនទឹកប្រាក់រាប់សិបម៉ឺនដុល្លារក្នុងមួយលើកៗ ទើបលោក គង់ ក្រឹង ក្លាយជាឧកញ៉ា មហាសេដ្ឋីដ៏មានឥទ្ធិពលក្នុងការបំផុសបំផុលកេណ្ឌប្រជាពលរដ្ឋឲ្យចូលទៅកាប់ព្រៃឈើអស់វាល់វាលរាប់លានដើមដើម្បីបម្រើផលប្រយោជន៍ផ្ទាល់ខ្លួន និងបក្ខពួកតែប៉ុណ្ណោះ។
ប្រភពបានឲ្យដឹងថា លោកឧកញ៉ា គង់ ក្រឹង ជាមេក្លោងដ៏ធំក្នុងការប្រមូលទិញឈើពីបណ្តា ញឈ្មួញនានាជាច្រើនទៀត ដូចជានៅស្រុកចិត្តបុរី និងស្រុកសំបូរ ដែលក្រុមឈ្មួញទាំងនោះបានដឹកចេញពីភូមិ១០៥ឃុំថ្មី ដោយសារតែជាឈ្មួញធម្មតា គ្មានខ្នង គ្មានខ្សែ គ្មានអំណាច ព្រោះខ្លាចគេចាប់នេះហើយ បានជានាំគ្នាលក់ ទៅឲ្យ លោកឧកញ៉ា គង់ ក្រឹង ជាទីប្រឹក្សាក្រសួ ងការពារជាតិនិងជាមេបញ្ជាការរងវរៈព្រំដែន២០៤នេះកំពុងសម្រុកប្រមូលទិញឈើចេញពីខេត្តមួយចំនួននៅជាប់ខេត្តក្រចេះពោលគឺតំបន់ខេត្តភូមិភាគឦសាន្ត និងជាអ្នកត្រួសត្រាយផ្លូវឲ្យមា នការធ្វើចរាចរបទល្មើសព្រៃឈើទៅវៀតណាម តាមច្រកវ៉ាលឺ ស្ថិតនៅភូមិត្រពំាងស្រែ ឃុំពីរធ្នូ ស្រុកស្នួល ខេត្តក្រចេះ មិនដែលឃើញមានស មត្ថកិច្ចឬស្ថាប័នពាក់ព័ន្ធណាហ៊ានប៉ះពាល់នោះទេ។
ប្រភពបានឲ្យដឹងទៀតថា ការដែលមេឈ្មួញ គង់ ក្រឹង អាចម៉ៅការផ្តាច់មុខក្នុងមុខរបរជំនួញ ឈើប្រណីតដែលកំពុងដើរប្រមូលទិញឈើពីឈ្មួញគ្រប់ទិសទីសម្រាប់ដឹកចេញយកទៅលក់នៅប្រទេសវៀតណាមយ៉ាងសុខស្រួលនោះគឺមានលោក លន់ សុផាត ស្នងការនគរបាលខេត្តក្រចេះ ជាខ្នងបង្អែកដ៏រឹងមាំច្រើនឆ្នាំមកហើយ និយាយរួមសូម្បីតែលោក វ៉ា ថន អភិបាល ខេត្តក្រចេះ ក៏អង្គុយបក់ផ្សែងរក្សាភាពស្ងៀមស្ងាត់ចាំតែទទួលសំណូកផងដែរ ក្នុងខណៈដែលមេឈ្មួញ គង់ ក្រឹង សម្រុកប្រមូលទិញឈើដឹកជញ្ជូនចេញទៅវៀតណាមតាមច្រករបៀងដេ៣និងដេ៤ក្នុងភូមិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះ ដោយគ្មានញញើតអ្វីទាំងអស់។
ដូច្នេះហើយទើបមជ្ឍដ្ឋានប្រជាពលរដ្ឋទូទៅបានស្នើសុំឲ្យក្រសួងកសិកម្ម រុក្ខាប្រមាញ់និងនេ សាទ លោកវេង សាខុន ដែលជារដ្ឋមន្ត្រី និងលោក សាយ សំអាល់ ដែលជារដ្ឋមន្ត្រីក្រសួងបរិស្ថានគួរចាត់វិធានការផ្លូវច្បាប់ចំពោះមេឧក្រិដ្ឋជន គង់ ក្រឹង ដែលធ្វើឲ្យមានការកាប់បំផ្លាញព្រៃឈើអស់រាប់លានដើមបែរជាឲ្យរួចខ្លួនធ្វើជាឧកញ៉ាមហាសេដ្ឋីគឺវាខុសពីអ្នកកាប់ដើមចេកគេមួយដើមសោះត្រូវបានគេចាប់ខ្លួនយកទៅដាក់គុក? ចំណែកឯអ្នកឃុបឃឹតគ្នាបើកដៃឲ្យលោក ឧកញ៉ា គង់ ក្រឹង ក្នុងការដឹកជញ្ជូនឈើឆ្លងដែនដោយខុសច្បាប់នោះ ដូចជាលោក វ៉ា ថន ចៅហ្វាយខេត្តក្រចេះ និងលោក លន់ សុផាត ស្នងការនគរបាលខេត្តក្រចេះ ដែលអាចជាអ្នក មានភាគហ៊ុនចំណែកជាមួយមេឈ្មួញទុច្ចរិតក្នុងអំពើពុករលួយ តាមរយៈលោកឧកញ៉ា គង់ ក្រឹងនេះក៏មិនទាន់មានការស៊ើបអង្កេតពីអង្គភាពប្រឆាំងអំពើពុករលួយនិងគណៈកម្មការទប់ស្កាត់បង្ក្រាបបទល្មើសព្រៃឈើនៅឡើយ ដែលករណីនេះមហាជនកំពុងរង់ចាំមើលចំណាត់ការរបស់ថ្នាក់លើជាពិសេសលោក សៅ សុខា មេបញ្ជាការកងរាជអាវុធហត្ថលើផ្ទៃប្រទេសនិងលោក ហ៊ុន ម៉ាណែត អគ្គមេបញ្ជាការរងកងយោធពលខេមរៈភូមិន្ទ ដែលកំពុងចុះត្រួតពិនឹត្យស្រង់ឈ្មោះមន្ត្រីយោធា មន្ត្រីនគរបាល ដែលជាប់ពាក់ព័ន្ធជាមួយឧកញ៉ាឈ្មួញឈើទាំងអស់នោះ ចូលក្នុងបញ្ជីខ្មៅដើម្បីដាក់ជូនទៅប្រមុខរាជរដ្ឋាភិបាលសម្តេចតេជោ ហ៊ុន សែន នាយករដ្ឋមន្ត្រីនឹងត្រូវធ្វើការវះកាត់ថ្កោលទោសតាមច្បាប់ជាធរមានចំពោះការកាប់បំផ្លាញព្រៃឈើធម្មជាតិរបស់់ប្រទេសកម្ពុជាឲ្យសមស្របទៅនឹងទង្វើឧក្រិដ្ឋកម្មដ៏ធ្ងន់ធ្ងរនេះ។
អង្គភាពគេហទំព័រMSKnewsយើងពុំអាចធ្វើការទំនាក់ទំនងសុំការបំភ្លឺពីភាគីពាក់ព័ន្ធក្នុងករណីខាងលើបានទេ ខណៈពេលនេះ អង្គភាពយើងនឹងរង់ចាំទទួលនូវព័ត៌មានគ្រប់ពេលវេលារៀងរាល់ម៉ោងធ្វើការ៕