0

ករណីចោរលួច ចោរប្លន់ ឃាតកម្ម អំពើហិង្សាកើតចេញពីល្បែងស៊ី​សង​ជល់មាន់​ អាប៉ោង​ បៀរ​និងយូគីនៅស្រុកឈូក តើលោក​ ម៉ៅ ចន្ទមធុរិទ្ធ ស្នងការខេត្តកំពត​ជាប់ពាក់ព័ន្ធជាអ្នក​បើកភ្លើងខៀវឬ.?

ខេត្តកំពត៖ សម្តេចក្រឡាហោម ស ខេង បានប្រកាសជំហរ​ដឹកនាំ​យ៉ាងម៉ឺងម៉ាត់​ដល់មន្ត្រីនគរបាលទាំងអស់ថា បញ្ហា​ល្បែង​ស៊ីសង​ខុសច្បាប់ដែលបា នលបលួចបើកលេង​និងបានបើកលេងជាចំហរនៅតាមបណ្តាមូលដ្ឋានមួយចំនួនកន្លងមកនោះដូចជា ៖ល្បែងហ្គេមជ្រកក្រោមស្លាក អុីនធើណេត អនឡាញ ដែលរាជរដ្ឋាភិបាលបានប្រកាសឲ្យបិទចោល ជាស្ថាពរហើយ បើនៅតែមានបើកលេងក្នុងដែនស មត្ថកិច្ចគ្រប់គ្រងរបស់ខ្លួនទៀត គឺអាជ្ញាធរមានស មត្ថកិច្ចត្រូវចុះតាមដានត្រួតពិនិត្យនឹងដើម្បីធ្វើការបង្ក្រាបឲ្យខាងតែបាន។ ព្រោះមន្ត្រីមួយចំនួនគឺជាមន្ត្រីឱកាសនិយម បើ​ឡើង​ធ្វើ​ធំដើម្បី​តែ​អំណាចខ្លួន និងការពារ​ផលប្រយោជន៍​ខ្លួនឯង​មិន​បាច់​ឡើង​ក៏​បាន​ដែរ។

តាមសេចក្តីរាយការណ៍បានឲ្យដឹងថា ល្បែងស៊ីសងជល់មាន់ខុសច្បាប់ស្ថិតនៅទីតាំងចល័តពីរកន្លែង សម្រាប់ប្តូរថ្ងៃគ្នាលេង គឺនៅភូមិត្រពាំងភ្លាំង និងភូមិឈើទាល ឃុំឈូក ស្រុកឈូក ខេត្តកំពត បានបើកលេងយ៉ាងរលូន ដោយសារគេដាក់ការសង្ស័យថា លោក ម៉ៅ ចន្ទមធុរិទ្ធ ស្នងការនគរបាលខេត្តកំពត ជាអ្នកអនុញ្ញាតឲ្យពួកគាត់បើកលេងដើម្បីយកលុយតុងទៅចញ្ចឹមអង្គភាពរបស់គាត់និងថ្នាក់លើរបស់គាត់ខណ:វិបត្តិសេដ្ឋកិច្ចធ្លាក់ចុះដោយសារជម្ងឺកូវីដ១៩ នេះបើតាមការអះអាង​ពីមេបនល្បែងនៅសង្វៀនទាំងពីរខាងលើនេះ ពេលពួកគេកំពុងជាប់ដៃរវល់ខ្លាំងក្នុងការភ្នាល់ដាក់លុយ ភ្នាល់ចាប់គូរមាន់​ជល់ ចាក់អាប៉ោង​ លេងបៀរ​និងយូគី ដែលទីតាំងល្បែងទាំងពីរកន្លែងនេះ បានបើកលេងជាយូរឆ្នាំមកហើយមិនត្រូវបានសមត្ថកិច្ចបង្ក្រាបបានម្តងណាឡើយ។​

មេបនល្បែងទាំង២នាក់បានបញ្ជាក់បន្ថែមទៀតថាខ្លួនគេគ្មានសិទ្ធិអ្វីហ៊ានបើកលេងល្បែងដែល​មានភ្ញៀវចូលរួមច្រើនយ៉ាងនេះនោះទេ បើគ្មានបញ្ជាពីលោក ម៉ៅ ចន្ទមធុរិទ្ធ ហើយនឹងលោកមេប៉ុស្តិ៍ព្រមទាំងលោកអធិការស្រុកផងដែរ ព្រោះពួកគាត់បានចំណាយលុយបង់ក្នុងមួយអាទិត្យ ១លានរៀលទៅ ២លានរៀល ដោយកូនចៅរបស់លោកស្នងការអះអាង​ថា យកទៅឲ្យថ្នាក់លើរបស់លោក រួមទាំងសមត្ថកិច្ចផ្សេងៗទៀត ជាពិសេសអ្នកធំៗ ក្នុងខេត្តកំពត និងលោកម៉ៅ ចន្ទមធុរិទ្ធ ស្នងការនគរបាលខេត្តកំពត ​ទើប​មេបនល្បែងដុះស្លែទាំងនេះ ទទួលបានសិទ្ធិផ្ដាច់មុខពីលោកអធិការ និងលោកមេប៉ុស្តិ៍ ផ្ទាល់តែម្តង ហើយពួកគាត់គ្រាន់តែជាអ្នកមើលការខុសត្រូវឲ្យ​មេៗថ្នាក់លើតែប៉ុណ្ណោះ។

ប្រជាពលរដ្ឋក៏បានបន្តថា ជារៀងរាល់ថ្ងៃពួកគាត់ឃើញមានមនុស្សមកលេងយ៉ាងច្រើនកុះករ  ដោយមធ្យោបាយម៉ូតូនិងរថយន្តរាប់សិបគ្រឿង ហើយជល់ពេលគេភ្នាល់ដាក់លុយខ្ទង់លានក្នុងមួយគូរៗ ដែលធ្វើឲ្យពួកគាត់មានការព្រួយបារម្ភថា បើកាលណាមានល្បែងស៊ីសងហើយ វាអាចនឹងកើតមានបទល្មើសផ្សេងៗដូចជា លួច ឆក់ ប្លន់ ឬប្រើហិង្សាជាដើម។ ព្រោះអីនៅពេលដែលមានល្បែងស៊ីសង ប្រជាពលរដ្ឋនៅតាមទីជនបទគឺសម្រានមិនដែលលក់ទេ ម្យ៉ាងខ្លាចចោរលួចគោ ក្របី ម៉ូតូ និងទ្រព្យ សម្បត្តិសព្វបែបយ៉ាងនៅក្នុងមូលដ្ឋានភូមិ-ឃុំ ស្រុកគ្មានសុវត្ថិភាពខាងលើនេះ។

សូមបញ្ជាក់ថា​ សម្តេចក្រឡាហោម ស ខេង បានចេញសេចក្តីណែនាំឲ្យមន្ត្រីកងកម្លាំង​មានសមត្ថកិច្ចទាំងអស់ ត្រូវតែចុះបង្រ្កាបល្បែងស៊ីសងខុសច្បាប់គ្រប់ប្រភេទ ដែលបង្កការប៉ះពាល់ដល់សន្តិសុខ សណ្តាប់ធ្នាប់សាធារណៈ ប៉ះពាល់ដល់​សីលធម៌សង្គម និងជីវភាពរស់នៅរបស់ប្រជាពលរដ្ឋ ជាពិសេសគឺការអនុវត្តគោលនយោបាយភូមិឃុំមានសុវត្ថិភាពរបស់រាជដ្ឋាភិបាលកម្ពុជាឲ្យខាងតែបានព្រោះការបង្កើតឲ្យមានបនល្បែងស៊ីសង​ ដោយមានភាពអនាធិបតេយ្យ គឺជាសកម្មភាពខុសច្បាប់របស់រាជរដ្ឋាភិបាល​ និងផ្ទុយពីបទបញ្ជារបស់ប្រមុខថ្នាក់ដឹកនាំ ដែលមិនខុសពីការបង្កើតឲ្យមានអំពើហឹង្សាក្នុងគ្រួសារ អំពើឃាតកម្ម ចោរលួច ចោរប្លន់​ នោះឡើយ​។ ដូចនេះលោក ម៉ៅ ចន្ទមធុរិទ្ធ និងលោកអធិការ ដែលជាអាជ្ញាធរមានសមត្ថកិច្ចខេត្តកំពត​​ គួរតែ​ដកខ្លួនចេញឲ្យឆ្ងាយជាមួយបទល្មើស ហើយ​ត្រូវតែចាត់វិធានការទប់ស្កាត់និងបង្ក្រាបជាបន្ទាន់​ចំពោះវង់ល្បែង​ស៊ីសង​ដុះស្លែ​ទាំងពីរកន្លែងខាងលើនេះ បើលោកពិតជាមាសសុទ្ធមិនខ្លាចភ្លើង គឺត្រូវបង្ហាញពីភាពស្មោះត្រង់ និងជំហរដឹកនាំម៉ឺងម៉ាត់ ដាច់ខាតកំចាត់ចោលនូវសង្វៀនជល់មាន់ បង្កប់ដោយល្បែងស៊ីសងពាលាអាវាសែរបស់ពួកជនសង្គមងងឹត ដើម្បីរក្សាការពារគោលនយោបាយ៩ចំណុចរបស់រាជរដ្ឋាភិបាល​៕បឋម.

Filed in: ព័ត៌មានជាតិ, ស្រាវជ្រាវ

Leave a Reply

Submit Comment

ការិយាល័យនិពន្ធ កាសែត មហាសេនាខ្មែរ | ទូរស័ព្ទ៖ Tel: 012 916 569, 088 89 165 69, 069 32 1006

អ៊ីម៉ែល៖ mohasenakhmer@gmail.com | Website: www.msknews.net

សហការផ្តល់ព័ត៌មាន៖ 097 6125757 | អ៊ីម៉ែល៖ mohasenakhmer@gmail.com