0

ទោះបីសហរដ្ឋអាមេរិក​ជាប្រទេស​មានបច្ចេក​វិទ្យា​ខ្ព​ស់​យ៉ាងណាក៏​មិនអាចទប់ស្កាត់​ហានិភ័យ​នៃជម្ងឺឆ្ល​ង​CO​VID-19​បានដែរ​?

(វ៉ាសុីនតោន)៖​បើតាមការដកស្រង់ការផ្សាយចេញ​ពីសារព័ត៌មាន CNA នាព្រឹកថ្ងៃព្រហស្បតិ៍ ទី០៥ ខែមីនា ឆ្នាំ​២០២០នេះ គឺ​ចំនួនអ្នកស្លាប់ដោយសារជម្ងឺ​ឆ្លង CO​V​I​D-19 នៅសហរដ្ឋអាមេរិកបានកើនឡើ​ងដល់១១នាក់ហើយ ចំពេល​ដែល​សភាតំណាងរា​ស្រ្តបា​នសម្រេចអ​នុ​ម័តកញ្ចប់ថវិកាជាង ៨ពាន់លានដុ​ល្លារ ដើម្បីប្រយុទ្ធប្រ​ឆាំងនឹងមេរោគរាតត្បាតដ៏កា​ចសាហាវមួយនេះ។

អភិបាលរដ្ឋកាលីហ្វ័រញ៉ាលោក ហ្គាវីន ញូសុម (​G​avin Newsom) បានប្រកាសអាសន្ន ខណៈដែ​លលោកបានរាយការណ៍ពីករណីស្លាប់ដំបូង ដោ​យសារជម្ងឺ​ COVID-19 ក្នុងរដ្ឋរបស់ខ្លួន។ ចំណែ​កឯអាជ្ញាធរសុខាភិបាលនៅរដ្ឋវ៉ាស៊ីនតោនស្ទេត បានរាយការណ៍ឲ្យដឹងថា មានមនុ​ស្សស្លាប់ចំនួន១០នាក់ហើយ នៅក្នុងរដ្ឋភាគខាងលិចស​ហរដ្ឋ​អាមេរិកនៃប្រទេសមហាអំណា​ច​មួយនេះ។

សូមជម្រាបថា ក្នុងចំណោមអ្នកឆ្លងបានកើនឡើង​១៣០​នាក់ហើយ​ ខណៈ​មនុស្ស​៤៨នាក់ក្នុងនោះមាន៤៥នាក់មកពីកប៉ាល់ដឹកអ្នកដំណើរ (Dia​m​o​nd Princess)​ និងមាន​៣​នាក់ មកពីទីក្រុង វ៉ូហា​ន ប្រទេសចិន។ ចំណែ​កឯ ៧៨ករណីផ្សេងទៀត ត្រូវបានរាយការណ៍នៅក្នុងរដ្ឋចំនួន១៣ ដោយរដ្ឋ​ធានីវ៉ាស៊ីនតោន និងរដ្ឋកាលីហ្វ័រញ៉ា មានចំនួនអ្នកឆ្លងច្រើនជាងគេ ហើយអ្នកស្លាប់ទាំង៩​នា​ក់ សុទ្ធ​តែជាអ្នករស់នៅក្នុងរដ្ឋវ៉ាស៊ីនតោន​។​

ដោយឡែកលោក Newsom បានប្រាប់អ្នក​សា​រ​ព័​ត៌មានយ៉ាងដូច្នេះថា “​រដ្ឋកាលីហ្វ័រញ៉ាកំពុងដាក់ព​ង្រាយកម្លាំងរបស់រដ្ឋាភិបាលគ្រប់កម្រិត ដើម្បីជួយកំណត់ករ​ណី និងកាត់បន្ថយការរីករាលដាលនៃវីរុ​​សនេះ”​។ ជាមួ​យគ្នានេះលោកក៏បានបន្ថែមទៀត​ថា សេចក្តីប្រកាសអា​សន្ននេះ នឹងជួយរដ្ឋរៀបចំសហគមន៍ និងប្រព័ន្ធថែទាំសុ​ខភាពបន្ថែមទៀតក្នុ​ងករណីដែលវា រីករាលដាលកាន់តែខ្លាំង។

គួរំឭកថា នៅព្រឹកថ្ងៃនេះដដែល អាជ្ញាធរទីក្រុងឡូសអាន់​ជឺឡេស (Los Angeles) បានរាយការណ៍ពីការរកឃើ​ញករណីឆ្លងមេរោគ COVID-19 ថ្មីៗចំនួន០៦​ បន្ថែមទៀត ស្រប​ពេល​ចំនួនករណីដែលបានប​ញ្ជាក់ នៅក្នុងរដ្ឋញូយ៉កបានកើនឡើងដល់១១នាក់។

លោកស្រី ណាន់ស៊ី ផេឡូស៊ី (Nancy Pelosi)ដែ​លជាប្រធានសភាបាននិយាយថា ក្រុមសមា​ជិក​ស​ភានៃគណ​បក្សសាធារណរដ្ឋ និងប្រជាធិបតេយ្យបានឈានដល់កិច្ចព្រមព្រៀង ក្នុងការផ្តល់មូលនិធិចំនួន ៨.៣ ពាន់លានដុល្លារអាមេរិក ដើម្បីឆ្លើយត​បទៅនឹងជម្ងឺ​រាតត្បាតសកលមួយនេះ។ សភាតំ​ណាងរាស្រ្តបានអនុម័តវិធានកានេះហើយ នៅឡើ​យតែព្រឹទ្ធសភាប៉ុណ្ណោះ ដែលនឹងត្រូវបោះ​ឆ្នោតអ​នុម័ត នៅថ្ងៃព្រហស្បតិ៍សប្តាហ៍នេះ (ពេលវេលានៅរដ្ឋធានីវ៉ាស៊ីនតោន)៕​

Filed in: សន្តិសុខ, អន្តរជាតិ

Leave a Reply

Submit Comment

ការិយាល័យនិពន្ធ គេហទំព័រ អឹម អេស ខេ ញូស៍ | ទូរស័ព្ទ៖ Tel: 012 916 569, 088 89 165 69, 069 32 1006

អ៊ីម៉ែល៖ mohasenakhmer@gmail.com | Website: www.msknews.net

សហការផ្តល់ព័ត៌មាន៖ 011 660 101 | អ៊ីម៉ែល៖ mohasenakhmer@gmail.com