0

យន្តការរដ្ឋាភិបាល​ប្រកាសដាក់ចេញជំហរមុឺង​ម៉ាត់កម្ចាត់អំពើពុករលួយខណៈលោក លឹម ស​ម្បត្តិ មេគយព្រលានយន្តហោះភ្នំពេញ​ជាគោ​លដៅទទួលរងនូវទម្ងន់កណ្តាប់ដៃដែកនាយករដ្ឋ​មន្ត្រី​?

រាជធានីភ្នំពេញ៖ សម្តេច​តេ​ជោ​ ហ៊ុន សែន នា​យករដ្ឋមន្ត្រី​បាន​រិះគ​ន់​យ៉ាងខ្លាំង​ទៅលើ​អំពើពុក​រលួយ​របស់​ម​ន្ត្រី​គ​យ​។​ សម្តេច​បាន​មានប្រសា​សន៍ថា​លោក​បាន​ដឹង​ទាំងអស់​នូវអំពើពុករលួ​យ​ក្នុង​អគ្គនាយកដ្ឋាន​គយ​និង​មាន​ឯកសារនៅ​ក្នុង​ដៃ​ទាំងអស់​ផងដែរ​។ សម្តេច​បាន​បញ្ជាក់ថា ក្រុមហ៊ុន​១០ ដែល​ត្រូវរ៉ូវ​ជាមួយ​គយ​គឺ​បាន​នាំចូ​ល​ទំនិញ​មក​ដោយ​ស្រួល ឯ​ក្រុមហ៊ុន​៤០​ទៀត ខ្លះ​មិនត្រូវ​ជា​មួយ​គយ​គឺ​នាំ​ចូលមក​លំបាក​ណា​ស់​។ ​ទីបំផុត​ក្រុមហ៊ុន​ទាំង​៤០​នោះ​ក៏រ​ត់ទៅ​ជ្រក​ក្នុង​ក្រុមហ៊ុ​ន​១០​ឲ្យ​ជួយ​នាំចូល​។ ​បន្ថែម​លើ​នេះ​សម្តេច​ក៏បាន​ព្រមាន​ដែរ​ថា សម្តេច​បាន​ដើរចូ​ល​ទៅក្នុង​គយ​ហើយ​…​គយ​ស៊ី​ល្មម​ឆ្អែត​ហើយ​..​ត្រូវ​ចេះ​ស្រឡាញ់​ជាតិ​ផង​..!។ ជា​បញ្ចប់​សម្តេច​តេ​ជោ​ ហ៊ុន សែន បាន​ទុកពេល​ឲ្យ​ចំនួន​៦០​ថ្ងៃ​ឬ​២​ខែ​ឲ្យ​ក្រសួង​សេដ្ឋកិច្ច​និង​ហិរញ្ញវត្ថុ​ និង​អគ្គ​នាយកដ្ឋាន​គយ​ត្រូវ​លុបបំបាត់ចោល​នូវ​អំពើពុ​ករលួយ ពោលគឺ​ទុកពេល​ឲ្យ​៦០​ថ្ងៃ​ដើម្បី​”កែខ្លួ​ ន​”​គឺ​ដើម្បី​ពង្រឹង​ប្រសិទ្ធភាព​ការងារ​កៀង​គរ​កចំ​ណូល​ចូលរដ្ឋ​ពង្រឹង​កា​រប​ង្រា្ក​ប អំពើ​រត់ពន្ធ​ និង​ពង្រឹង​អភិបាលកិច្ច​ល្អ​របស់​អង្គភាព​គយ​ឡើង​វិ​ញ​។​

តាម​ប្រភពពីមន្ត្រីគយប្រចាំច្រកទ្វារ​អាកាសយា​នដ្ឋាន​អន្តរជាតិភ្នំពេញនិងអ្នករត់ឯកសារបានទម្លាយប្រាប់សារពត៌មានថា មន្ត្រីអ្នកកាន់ការ នៅការិយាល័យឃ្លាំងទំនិញរបស់គយនៅច្រកព្រលានអន្តរជាតិភ្នំពេញដែលគ្រប់គ្រងដោយប្រធានថ្មី គឺលោក លឹម សម្បត្តិ ជាមេគយច្រកទ្វារ​ខាងលើនេះ បានឃុបខិតគ្នាជាចង្កោមប្រ​ព្រឹ​ត្តអំពើពុករលួយយ៉ាងខ្លាំងនិងមានសកម្មភាពនេះជាយូរ​មកហើយ មិនដែលឃើញមន្ត្រីនៃអង្គភាពប្រឆាំអំពើពុករលួយចុះអង្កេតនោះទេ ហើ​ យជាពិសេស​ទៀតមិនដឹងថាតើ​លោកប្រធានទីចាត់ការគយនិងរដ្ឋាករកម្ពុជា គឺ​លោកបណ្ឌិត​អគ្គនាយក​ គុណ ញឹម បានជ្រាបដែរឬអត់ទេ?ហើយវារឹតតែធ្វើឲ្យ​មន្ត្រីគយនៅទីនោះ នៅតែប្រកាន់ទម្លាប់មិនប្រក្រតី​ ដែលកំពុង​ជះ​ឥទ្ធិព​ល​ដ៏​អាក្រក់​ទៅ​លើ​អ្នក​វិនិយោគទុន ព្រោះ​តែ​ម​ន្ត្រីគយកាន់ការនៅការិយាល័យឃ្លាំងទំនិ​ញរប​ស់គយច្រកព្រលានភ្នំពេញ​នេះ បានបង្ក​ប់​ដោ​យ​អំពើពុករលួយខ្លាំងទៅលើការនាំ​ទំនិញចេញ​ចូល ជាពិសេស​ខាង​ក្រុមហ៊ុន​ដឹក​ជញ្ជូន​ រោងច​ក្រ​វាយនភ័ណ្ឌ​នោះជាដើម​។

ប្រភពដដែលបានប្រាប់ទៀតថា ក្រុមមន្ត្រីខាង​លើនេះ​ ពូកែស៊ីគ្រប់ជុំពូកតែម្តង ដោយពួកម​ន្ត្រីទាំងនោះ ត​ម្រូវឲ្យ​មានការ​បង់ប្រាក់​ក្រោម​តុ​ទៅ​វិញ​គឺវាផ្ទុយ​ពី​អ្វី​ដែល​ក្រសួង​សេដ្ឋកិច្ច​ និង​ហិរ​ញ្ញវត្ថុ​ ក៏​ដូច​ជា​អគ្គនាយកដ្ឋាន​គយ​ និង​រដ្ឋាករ​កម្ពុជា ​បានធ្វើ​កំណែទម្រង់​លុប​បំបាត់​អំពើ​ពុក​រលួយ​ ជា​ពិសេសការ​អនុវត្ត​គោលនយោបាយ​របស់​រាជ​រដ្ឋាភិបាល​ ដែលតែងតែបាន​ផ្តល់​កម្លាំ​ងចិត្ត​ដល់​អ្នក​វិនិយោគទុន​ ដើម្បី​ជា​អត្ថប្រយោ​ជន៍​ សម្រាប់​សេដ្ឋកិច្ចជាតិ​ និង​ជា​ទុន​ដ៏​មាន​សា​រសំខាន់​បំផុត សម្រាប់​ស្រូប​កម្លាំង​ពលកម្ម​ក្នុងស្រុក​ឲ្យ​ពលរដ្ឋ​មានការ​ងារ​ធ្វើ​ទទួល​បាន​ប្រាក់​កម្រៃ​សម្រាប់​លើក​ស្ទួយ​ ដោះស្រាយ​ជីវភាព​រ​ស់នៅ​ប្រចាំ​ថ្ងៃ​ ប៉ុន្តែមន្ត្រី​ការិយាល័យ​គយ​និង​រដ្ឋាករ​អាកាសយានដ្ឋានអន្តរជាតិ​ភ្នំពេញ​​ ប្រក​បដោយ​អំពើ​ពុក​រលួយ ​ជា​លក្ខណ:​ប្រព័ន្ធ​តាម​គ្រប់រូបភាព​ ដែល​តម្រូវ​ឲ្យ​មានការ​បង់ប្រាក់​ ស​ម្រាប់​ឯកសារ​ប្រតិវេទន៍​គយ ​ក្នុង​មួយ​ឯកសារៗ​ ចាប់ពី ​៣៥​ដុល្លារ ​ទៅ ​៧៥​ដុល្លារ​ នេះ​គិត​ស​ម្រាប់​តែ​ឯកសារដែល​គ្មាន​កំហុស​ប៉ុណ្ណោះ​ ចុះទម្រាំ​ឯកសារមានកំហុសតិចតួច តើ​មន្ត្រីគយនៅទីនោះស៊ីខ្លាំងប៉ុនណា…?។

ក្រុម​អ្នក​រត់ការបាន​លើក​ឡើង​ពី​ការិយាល័យ​គយ​ និង​រដ្ឋាករ​អាកាសយានដ្ឋាន​អន្តរជាតិ​ភ្នំពេ​ញ​ ដែល​មាន​លោក លឹម សម្បត្តិ ជា​ប្រធាន​និង​មាន​ទម្លាប់​មិនប្រក្រតី​ ដែល​គាត់​ធ្លាប់​ឆ្លងកាត់​នូវ​អំ​ពើ​ពុក​រលួយយ៉ាង​ឆ្អឹ​ន​ឆ្អៅ​ តាំងពី​នៅ​ច្រកព្រំនិងច្រក​ដូងក៏​បន្ត​ប្រព្រឹត្ត​កំហុស​បែប​នេះ​ដ​ដែល​ៗ ដោយគ្មានញញើតកោតខ្លាចអ្វីទាំង​អ​ស់​ ដែលក្នុងនោះ​ លោក លឹម សម្បត្តិ បានកំ​ណត់​យ៉ាងតិច​ក្នុង​មួយ​ឯកសារ ​សម្រាប់​ទំនិញ​វិនិយោគ​នាំ​ចូល​ ត្រូវ​បង់ប្រាក់​ចំនួន ​៧៥​ដុល្លារ​ ក្នុង​នោះ​ដែរ​ អ្នក​រត់ការ​ត្រូវ​បង្ខំចិត្ត​បង់ប្រាក់​ទៅឲ្យ​កូនចៅ​លោក​ លឹម សម្បត្តិ ជា​មន្ត្រី​គយ​ទទួ​ល​ផ្នែក​នីមួយៗ ​ដូច​ខាងក្រោម​៖​ ទី​១​-​ ត្រូវ​បង់​ចំនួន ​៥​ដុល្លារ ​សម្រាប់​មន្ត្រី​គយ​ទទួល​ផែន​ផ្នែ​ក​ចុះ​លេខ​, ទី​២​- បង់ប្រាក់​ចំនួន ​២០​ដុល្លារ សម្រាប់​គណនេយ្យ​, ទី​៣​- បង់ប្រាក់​ចំនួន ​១០​ដុល្លារ​ សម្រាប់​ប្រធាន​ផ្នែក​ត្រួតពិនិត្យ​និង​ចំនួន​ ១០​ដុល្លារ​ទៀត ​ផ្នែក​កូនចៅ​មន្ត្រី​គយខាង​ពិនិ​ត្យ​, ទី​៤​- បង់ប្រាក់​ចំនួន​ ២០​ដុល្លារ ​សម្រាប់​ម​ន្ត្រី​គយ​​ផ្នែក​កាត់​ស្តុក​ បញ្ចុះ​ឯកសារ​, និង​ទី​៥​-​ ត្រូវ​បង់​ឲ្យ​អនុប្រធាន​ការិយាល័យ​ ជា​កិច្ច​បង្ហើ​យឯកសារ​ ចំនួន​ ៥​ដុល្លារ​ ។​

ភាពមិនប្រក្រតី​ទាំង​អស់នេះ កំពុង​តែ​ជះ​ឥទ្ធិព​ល​អាក្រក់​ ប៉ះពាល់​ដល់​ថ្នាក់លើ​ ក៏​ដូច​ជា​សង្គម​ជាតិ​ទាំងមូល​ ជា​ពិសេស​ប៉ះពាល់​ទៅ​នឹង​អារម្ម​ណ៍​យ៉ាង​ធ្ងន់​ធ្ងរ​ចំ​ពោះ​អ្នក​វិនិយោគទុន​។ទង្វើបែបនេះ​លោក​ ឱម យ៉ិនទៀង ប្រធានអង្គភាព​ប្រឆាំងអំពើពុ​ករលួយ គួរបើក​ការស៊ើបអង្កេត​ឲ្យ​បានស៊ីជម្រៅលើ​រឿងអាស្រូវពុករលួ​យរបស់លោក​ លឹម សម្បត្តិ មេគ​យច្រកអាកា​សយា​ន​ដ្ឋានអន្តរជា​តិភ្នំពេញ​ជាប​ន្ទាន់។​

សូមជម្រាបថា​ រាល់ទំនិញ​វិនិយោគ​នាំ​ចេញ​ ក្នុ​ង​មួយ​ឯកសារ​ចំនួន​ ៣៥​ដុល្លារ​ ក៏អាចឆ្លុះបញ្ចាំ​ង​ឲ្យឃើញកាន់តែច្បាស់​ពី​អំ​ពើ​ពុក​រលួយ​នេះ​ផ​ងដែរ តាមរយ:ការ​គាបសង្កត់​ទាំង​ឯកសារ​ស្រ​បច្បាប់​របស់​ផ្នែក​ទំនិញ​វិនិយោគ​ ឧស្សាហកម្ម​វេ​យ​ន​ភ័​ណ្ឌ​ រោង​ច្រក​កាត់ដេរ​ ដោយ​ករណី​ខ្លះ​ លោក​ លឹម សម្បត្តិ បាន​តម្រូវ​ឲ្យ​មន្ត្រី​របស់​ខ្លួន​ កេងប្រវ័ញ្ច​ក្នុង​ផល​ប្រយោជន៍​ទៅ​លើ​ឯកសារ​ខុស​បច្ចេកទេស​តិចតួច​ ឬ​កិច្ច​ការងារ​ប្រញាប់​ ត្រូវ​ទាញ​យក​ប្រយោជន៍​លក្ខណ:​ក្រោម​តុ​ កាន់​តែ​ច្រើន​ឡើង​ និង​ចង់ទៅ​ស៊ី​ញ៉េ​កន្លែង​ណា ​ក៏​បាន​ទៀតផង​។

ហេតុដូច​នេះ​លោកបណ្ឌិត​ អូន ព័ន្ធមុនីរ័ត្ន រដ្ឋ​ម​ន្ត្រីក្រសួង​សេដ្ឋកិច្ច​និង​ហិរញ្ញវត្ថុ មិនគួរ​បណ្តែត​បណ្ដោយ​ឲ្យ​លោក លឹម សម្បត្តិ មេ​គយ​ច្រក​ទ្វា​រ​អាកាសយានដ្ឋាន​អន្តរជាតិ​ភ្នំពេញ ព្រមទាំង​ប​ក្ខពួក​ធ្វើ​អ្វីៗ​តាម​អំពើ​ចិត្ត​តទៅទៀត​នោះ​ទេ ព្រោះ​សកម្មភាព​នៃ​អំពើពុករលួយ​ដ៏​ខ្លាំងក្លា​នេះ​ត្រូវបាន​បើក​កកាយ​ជា​បន្តបន្ទាប់​រួចទៅហើយ​។

ពាក់ព័ន្ធ​នឹង​ករណី​គយច្រកទ្វារអាកាសយានដ្ឋាន​អន្តរជាតិភ្នំពេញ​ ប្រព្រឹត្តអំពើពុករលួយនេះអង្គភាពគេហទំព័រMSKយើងមិន​អាច​ទំនាក់ទំ​នង​ជាមួយលោក លឹម សម្បត្តិ ប្រធាន​ការិយា​ល័យ​គយ​ និង​រដ្ឋាករ​អាកាសយានដ្ឋាន​អន្តរជា​តិ​ភ្នំពេ​ញ​នៅថ្ងៃនេះបានទេ​ អង្គភាពយើងនឹងរង់​ចាំ​ទទួ​លព័ត៌មានគ្រប់ទិសទីនៅរៀងរាល់ម៉ោ​ងធ្វើការ​៕​

Filed in: ព័ត៌មានជាតិ, ស្រាវជ្រាវ

Leave a Reply

Submit Comment

ការិយាល័យនិពន្ធ គេហទំព័រ អឹម អេស ខេ ញូស៍ | ទូរស័ព្ទ៖ Tel: 012 916 569, 088 89 165 69, 069 32 1006

អ៊ីម៉ែល៖ mohasenakhmer@gmail.com | Website: www.msknews.net

សហការផ្តល់ព័ត៌មាន៖ 011 660 101 | អ៊ីម៉ែល៖ mohasenakhmer@gmail.com