0

ក្រោយឃាត់ខ្លួនឧកញ៉ា គង់ ក្រឹង និងកូនប្រ​សារចាំមើលថាតើភ័ស្តុតាងជាក់ស្តែងរបស់មេឧក្រិដ្ឋជនព្រៃឈើ​រូបនេះអាចត្រូវបានតុលាការ​សម្រេចដាក់ព័ន្ធនាគាទេ?​

ខេត្ត​ក្រចេះ៖ ទីបំផុត…! គណៈកម្មការជាតិដើ​ម្បីទប់ស្កាត់ និងបង្ក្រាបបទល្មើសធនធានធម្ម​ជាតិ នៅល្ងាចថ្ងៃទី១៥ ខែសីហា ឆ្នាំ២០១៩នេះ បានសម្រេចឃាត់ខ្លួន ឧកញ៉ា គង់ គ្រឹង និងកូ​នប្រសារបស់គាត់ហើយ បន្ទាប់ពីសួរនាំអស់រ​យៈពេល១ថ្ងៃ ពាក់ព័ន្ធនឹងបទល្មើសព្រៃឈើ​ នៅ​ក្នុងបញ្ជាការដ្ឋានកងរាជអាវុធហត្ថខេត្ត​ក្រ​ចេះ។ នេះបើតាមការបញ្ជាក់ពី លោក​ឧត្តមសេ​នីយ៍ត្រី អេង ហ៉ី អ្នកនាំពាក្យគណៈកម្មការជាតិដើម្បីទប់ស្កា​ត់ និងបង្ក្រាបបទល្មើសធនធានធ​ម្មជាតិ។

ឧត្តមសេនីយ៍ត្រី អេង ហ៉ី បានបញ្ជាក់ប្រាប់បណ្តាញព័ត៌មាន​នានាក្នុងស្រុក យ៉ាងដូច្នេះថា៖ «ខណៈនេះ ក្រោមការដឹកនាំបញ្ជាផ្ទាល់របស់ នាយឧត្តមសេនីយ៍ សៅ សុខា អគ្គមេ​បញ្ជាការរងនៃកងយោធពលខេមរភូមិន្ទ មេប​ញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិ និងមានការសម្រប​សម្រួលពីអយ្យការ កម្លាំងអាវុធហត្ថខេត្តក្រចេះ បានធ្វើការឃាត់ខ្លួនបុគ្គលពាក់ព័ន្ធនឹងបទល្មើ​សព្រៃឈើចំនួន២រូប ក្នុងនោះមាន ជនសង្ស័​យ ឧកញ៉ា គង់ គ្រឹង និងឈ្មោះ ម៉ាត់ ណាស៊ាត»ដែលត្រូវជាកូនប្រសាររបស់គាត់​។

លោកឧត្តមសេនីយ៍រូបនេះ​អះអាងថា យោងតា​មក្រមនីតិវិធីព្រហ្មទណ្ឌ ដើម្បីឆ្លើយតបនឹងត​ម្រូ​វការចាំបាច់នៃការស៊ើបអង្កេត មន្ត្រីនគរបាលយុត្តិធម៌ អាចឃាត់ខ្លួនបុគ្គលដែលសង្ស័យថា បានចូលរួមក្នុងបទល្មើស។

សូមបញ្ជាក់ថាឧកញ៉ា គង់ គ្រឹង មានទីលំនៅភូមិដីច្រាបថ្មី ឃុំ២ធ្នូ ស្រុកស្នួល ខេត្តក្រចេះ ជាម្ចាស់រោងសិប្បកម្ម ម៉ាត់ ណាស៊ាត ត្រូវចូលបំភ្លឺតាមពេលវេលាកំណត់ និងត្រូវនាំឯកសារពាក់​ព័ន្ធទៅជាមួយផងដែរ។

គួរំឭកថាកាល​ពី​ថ្ងៃទី១៥ ខែសីហា ឆ្នាំ២០​១៩​ឆ្ននេះ ក្រុមការងារគណៈកម្មការជាតិដើម្បីទប់ស្កា​ត់ និងបង្ក្រាបបទល្មើសធនធានធម្មជាតិ បានកោះហៅឧកញ៉ា គង់ គ្រឹង ឲ្យ​ចូលបំភ្លឺ ពាក់ព័ន្ធនឹងបទល្មើសព្រៃឈើ នៅបញ្ជាការដ្ឋានកងរាជ​អាវុធហត្ថខេត្តក្រចេះ។

គួរកត់សម្គាល់ថា​គណៈកម្មការជាតិដើម្បីទប់​ស្កាត់ និងបង្ក្រាបបទល្មើសធនធានធម្មជាតិ ដែលដឹកនាំដោយនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេ​ស ត្រូវបង្កើតឡើង កាលពីថ្ងៃទី០៩ ខែធ្នូ ឆ្នាំ​២០១៦ ដែលពេលនេះកំពុងបើកប្រតិបត្តិការក្តៅគគុក ក្នុងការបង្ក្រាបបទល្មើសព្រៃឈើនៅកម្ពុជា។​

បន្ទាប់ពី​ការកោះហៅ ឧកញ៉ា គង់ គ្រឹង ជាឈ្មួ​ញឈើដ៏សកម្មម្នាក់ផង​ដែរនោះ ត្រូវបានបញ្ជា​ក់ក្នុងលិខិតកោះហៅរបស់គណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិនោះថា ដើម្បីដំណើរការស៊ើបអង្កេឲ្យ​បានគ្រប់ជ្រុងជ្រោយ ច្បាស់លាស់ត្រឹមត្រូវ។

ក្នុងកិច្ចប្រតិបត្តិការ​ថ្មីៗនេះ​ នាយឧត្តមសេនីយ៍ សៅ សុខា ប្រធានគណៈក​ម្មការជាតិដើម្បីទប់​ស្កាត់និងបង្ក្រាបបទល្មើសធនធានធម្មជាតិ កា​លពី​ថ្ងៃទី៥ ខែសីហា ឆ្នាំ២០​១​៩​កន្លងមក​ បានដឹកនាំកម្លាំងជាច្រើននាក់ ចុះបង្ក្រា​បបទល្មេីស​ព្រៃឈើ របស់ឧកញ៉ា គង់​ ក្រឹង នៅស្រុកស្នួល ខេត្តក្រចេះរួមទាំងសមត្ថកិច្ចជាច្រើ​នស្ថាប័ន បា​នព័ទ្ធភូមិគ្រឹះលោកឧកញ៉ាទៀតផ​ង។

ប្រមុខរាជរដ្ឋាភិបាល​ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុ​ជា បានបង្ហាញជំហរយ៉ាងម៉ឹងម៉ាត់ក្នុងការអនុវ​ត្តអភិក្រមទី៥ គឺអភិក្រម «វះកាត់» ដោយព្រមា​នដកហូត បុណ្យស័ក្តិ និងបង្កក ទ្រព្យសម្បត្តិ ចំពោះមន្ត្រីរាជការ និងកងកម្លាំងប្រដាប់អាវុធទាំងឡាយណាយកតួនា​ទីប្រព្រឹត្តអំពើពុករលួ​យ កឹបកេងទ្រព្យសម្បត្តិរដ្ឋ កាប់បំផ្លាញព្រៃ​ឈើ​ រំលោភយកដីរដ្ឋធ្វើជាទ្រព្យស​ម្បត្តិផ្ទាល់​ខ្លួន។​

ជាមួយគ្នានេះ​ដែរ​ក្រោមការដឹកនាំបញ្ជាផ្ទាល់របស់លោកនាយឧ​ត្តមសេនីយ៍ សៅ សុខា អគ្គមេបញ្ជាការរងនៃក​ងយោធពលខេមរភូមិន្ទ មេ​បញ្ជាការកងរាជអាវុ​ធហត្ថលើផ្ទៃប្រទេស និងជាប្រធានគណៈកម្ម​ការជាតិ និងមានការសម្រ​បសម្រួលពីអយ្យការ កម្លាំងអាវុធហត្ថខេត្តក្រ​​ចេះ បានធ្វើការឃាត់ខ្លួ​នបុគ្គលពាក់ព័ន្ធនឹងបទ​ល្មើសព្រៃឈើចំនួន២​រូប ក្នុងនោះមាន ជន​ស​​ង្ស័យ ឧកញ៉ា គង់ ក្រឹង និងឈ្មោះ ម៉ាត់ ណាស៊ាត ជាបណ្តោះអាសន្ននឹងរង់ចាំនីតិវីធីរបស់តុ​លាការ៕​msk​

Filed in: ព័ត៌មានជាតិ, ស្រាវជ្រាវ

Leave a Reply

Submit Comment

ការិយាល័យនិពន្ធ គេហទំព័រ អឹម អេស ខេ ញូស៍ | ទូរស័ព្ទ៖ Tel: 012 916 569, 088 89 165 69, 069 32 1006

អ៊ីម៉ែល៖ mohasenakhmer@gmail.com | Website: www.msknews.net

សហការផ្តល់ព័ត៌មាន៖ 011 660 101 | អ៊ីម៉ែល៖ mohasenakhmer@gmail.com