134 
ខេត្តត្បូងឃ្មុំ៖ ដោយសារតែភាពអំនួត អួតអាងស្មានថាគេចេះមិនដល់ខ្លននោះ លោកអ៊ួន សុវណ្ណារ៉ា ប្រធានការិយាល័យគយនិងរដ្ឋាករច្រកទ្វារអន្តរជាតិត្រពាំងថ្លុង ខេត្តត្បូងឃ្មុំ កំពុងធុំក្លិនមិនសូវស្រួលហើយ ដែលពាក់ព័ន្ធនឹងការប្រព្រឹត្តអំពើពុករលួយដោយជិះសេះលែងដៃយកឈ្មោះអ្នកធំនេះ អ្នកធំនោះ នៅក្នុងក្រសួងសេដ្ឋកិច្ចនិងហិរញ្ញវត្ថុ និងនៅក្នុងអគ្គនាយកគយនិងរដ្ឋាករកម្ពុជា មកបន្លាចសមត្ថកិច្ច អាជ្ញាធរ និងក្រុមឈ្មួញរកស៊ីដឹកទំនិញចេញចូលព្រំដែនកម្ពុជា_វៀតណាមតាមច្រកត្រពាំងថ្លុងនេះ ហេតុដូច្នេះហើយទើបមានការអំពាវនាវឲ្យលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ក៏ដូចជាលោកគុណ ញឹម ដែលជាអគ្គនាយកនៃអគ្គនាយកដ្ឋានគយនិងរដ្ឋាករកម្ពុជាគួរចាត់វិធានការទប់ស្កាត់អំពើពុករលួយ របស់លោក អ៊ួ ន សុវណ្ណារ៉ា ប្រធានការិយាល័យគយនិងរដ្ខាករច្រកទ្វារអន្តរជាតិត្រពាំងថ្លុងជាបន្ទាន់ បន្ទាប់ពីរាជរដ្ឋាភិបាលបានប្រកាសជំរុញឲ្យអង្គភាពប្រឆាំអំពើពុករលួយចុះធ្វើកិច្ចប្រតិបត្តិការយ៉ាងល្អិតល្អន់ជាមួយស្ថាប័នជំនាញ សហគមន៍ អង្គការនានា ដើម្បីរួមគ្នាលុបបំបាត់ចោលអំពើពុករលួយ ព្រោះករណីមន្ត្រីគយដែលហ៊ានប្រព្រឹត្តអំពើពុករលួយនៅច្រកត្រពាំងថ្លុងនេះ គឺជាបញ្ហាគ្រោះថ្នាក់ដ៏ធ្ងន់ធ្ងរចំពោះប្រជាពលរដ្ឋខ្មែរដែលទិញទំនិញមិនមានការត្រួតពិនិត្យមកពីប្រទេសវៀតណាមដែលកំពុងហូរចូលមកនាពេលបច្ចុប្បន្នលោក អ៊ួន សុវណ្ណារ៉ា បានឃុបឃិតឲ្យឈ្មួញធំៗបង់ពន្ធតាមរបៀម៉ៅការតែ30%ប៉ុណ្ណោះ ហើយលើសពីនេះគឺជាប្រភេទទំនិញដែលឃុបឃិតឲ្យឈ្មួញទាំងនោះនាំចូលមកនូវទំនិញគេចពន្ធទំនិញបង់ពន្ធមិនគ្រប់ និងទំនិញខុសច្បាប់យ៉ាងគគ្រឹកគគ្រេងដើម្បី ប្រមូលលុយដាក់ហោប៉ៅធ្វើមានបានផ្ទាល់ខ្លួន ។
ទាក់ទិននឹងរឿងអាស្រូវពុករលួយរបស់លោក អ៊ួន សុវណ្ណារ៉ា ប្រធានការិយាល័យគយច្រកទ្វារអន្តរជាតិត្រពាំងផ្លុង ស្រុកពញាក្រែក ខេត្តត្បូងឃ្មុំ កំពុងត្រូវបានគេលាតត្រដាងជាបន្តបន្ទាប់ដើម្បីឲ្យលោក គុណ ញឹម ជាមេគយធំមួយស្រុកខ្មែរបានដឹងនឹងចាត់វិធានការទប់ស្កាត់ឲ្យបានទាន់ពេលវេលាផង ព្រោះចាប់តាំងពីលោក អ៊ួន សុវណ្ណារ៉ា មកកាន់តំណែងជាមេគយច្រកនេះ គឺលោក អ៊ួន សុវណ្ណារ៉ា បានឃុបឃិតគ្នាបើកដៃឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់កាន់តែច្រើនឡើងៗ ជាងនេះទៀត ក៏មានករណីបន្លំប្រភេទទំនិញផងដែរ ដោយសារតែអំពើពុករលួយរបស់លោក អ៊ួន សុវណ្ណារ៉ា ធ្វើឲ្យរដ្ឋត្រូវខាតបង់ប្រាក់ចំ។ណូលពន្ធយ៉ាងច្រើន សន្ធឹកសន្ធាប់ក្នុងមួយខែៗ ហើយការដែល លោក អ៊ួន សុវណ្ណារ៉ា ហ៊ានធ្វើអ្វីៗតាមអំពើចិត្ត គឺដោយសារអាងខ្នងបង្អែកដ៏រឹងមាំនៅក្នុងក្រសួងនិងនៅក្នុងអគ្គនាយកដ្ឋានគយនិងរដ្ឋាករកម្ពុជា ទើបបានធ្វើឲ្យលោកអ៊ួន សុវណ្ណារ៉ា ខំប្រឹងប្រមូលលុយតាមរបៀបពុករលួយដោយជិះសេះលែងដៃនៅច្រកទ្វារអន្តរជាតិត្រពាំងថ្លុងនេះ ដែលមានប្រភពចំណូលដ៏សំខាន់របស់លោក អ៊ួ ន សុវណ្ណារ៉ា ដោយបានឃុបឃិតឲ្យឈ្មួញធំៗ បង់ពន្ធតាមរបៀបម៉ៅការតែ៣០% ហើយបើកដៃឲ្យឈ្មួញទាំងនោះនាំចូលទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់យ៉ាងអនាធិបតេយ្យបែបនេះ។
ករណីប្រព្រឹត្តអំពើពុករលួយរបស់លោកអ៊ួន សុវណ្ណារ៉ា មេគយច្រកត្រពាំងថ្លុង ក៏មានការលើកឡើងពីមហាជនថាគួរតែនឹងត្រូវបានថ្នាក់លើអូសក្បាលទំលាក់ចោលឲ្យទទួលទោសតាមផ្លូវច្បាប់ស្របពេលដែលប្រមុខរាជរដ្ឋាភិបាលកម្ពុជាកំពុងជំរុញឲ្យអង្គភាពប្រឆាំងអំពើពុករលួយ(ACU)ធ្វើការស៊ើបអង្កតឲ្យបានស៊ីជម្រៅនិងមានប្រសិទ្ធភាពខ្ពស់បំផុតចំពោះមន្ត្រីរដ្ឋនៅគ្រប់ស្ថាប័នដែលយកអំណាចតួនាទីរបស់ខ្លួនទៅប្រព្រឹត្តអំពើពុករលួយ ជាពិសេសមន្ត្រីស្ថាប័នគយដែលកំពុងតែជិះសេះលែងដៃក្នុងការប្រព្រឹត្តអំពើពុករលួយ ហើយលោកអ៊ួន សុវណ្ណារ៉ា ទំនងជារងនូវទម្ងន់ផ្ទាំងថ្មបាក់ក្រោមកណ្តាប់ដៃដែករបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាក្នុងការអនុវត្តនូវអភិក្រមទី៥របស់រាជរដ្ឋាភិបាល។
អង្គភាពគេហទំព័រMSKnewsយើងមិនអាចទំនាក់ទំនងជាមួយលោកអ៊ួន សុវណ្ណារ៉ា បានទេ កាលពីម្សិលមិញនេះ អង្គភាពយើងនឹងរង់ចាំទទួលការបំភ្លឺជុំវិញព័ត៌មានបែកធ្លាយខាងលើនេះរៀងរាល់ម៉ោងធ្វើការ៕
