160 
រាជធានីភ្នំពេញ៖ ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាយរដ្ឋមន្ត្រី បានមានប្រសាសន៍ស្នើសុំឲ្យអ្នកសារព័ត៌មានទាំងអស់ត្រូវធ្វើជាកញ្ចក់ពិត ហើយស្មោះត្រង់នឹងវិជ្ចាជីវៈហ៊ានផ្តល់និងផ្សព្វផ្សាយនូវព័ត៌មានពិត ជាពិសេសជួយប្រយុទ្ធប្រឆាំងនឹងព័ត៌មានក្លែងក្លាយ របាយការណ៍ភូតកុហកដើម្បីឲ្យប្រព័ន្ធផ្សព្វផ្សាយប្រកបដោយសក្តានុពលក្នុងការគាំទ្រសន្តិភាព និងប្រជាធិបតេយ្យ គឺទាមទារឲ្យអ្នកសារព័ត៌មានខិតខំប្រឹងប្រែងអភិវឌ្ឍន៍សមត្ថភាព និងហ៊ាននិយាយនូវព័ត៌មានពិត ដោយហ៊ានធ្វើការរិះគន់ក្នុងន័យស្ថាបនា ធ្វើការឆ្លុះបញ្ចាំងឲ្យឃើញគ្រប់តថភាពសង្គមដើម្បីចូលរួមចំណែកកសាងសង្គមមួយឲ្យមានភាពយុត្តិធម៌ សុខសន្តិភាព និងមានការអភិវឌ្ឍដែលជាបំណងប្រាថ្នារបស់មនុស្សជាតិនៅទូទាំងសកលលោក។
យោងតាមការចុះផ្សាយតាមគេហទំព័រព័ត៌មាននានានៅក្នុងស្រុកដែលបានចោទប្រកាន់ថាលោក យី ថុល ប្រធានការិយាល័យគយនិងរដ្ឋាករច្រកទ្វារអន្តរជាតិព្រែកចាក បានប្រើអំណាចជាមេគយមកឆក់យកទូរស័ព្ទអ្នកសារព័ត៌មាននោះ ហើយជាការឆ្លើយតបទៅនឹងការចោទប្រកាន់លើករណីបែបនេះ លោក យី ថុល បានលើកឡើងថា លោកមកជួបជាមួយអ្នកសារពត៌មានដែលកំពុងធ្វើការឡាយផ្ទាល់នៅក្នុងដែនសមត្ថកិច្ចគ្រប់គ្រងរបស់លោក ឬក៏អាចហៅបានថា នៅក្នុងរដ្ឋបាលរបស់លោក គឺលោកមានបំណងថា ចង់ឲ្យអ្នកសារព័ត៌មានដែលដឹកនាំដោយលោក ហ៊ុន សុខា ឲ្យឈប់ធ្វើការឡាយសិន និងចង់សួរនាំពិភាក្សាគ្នា ក៏ប៉ុន្តែភ្លាមនោះខាងអ្នកសារព័ត៌មាននៅតែមិនព្រមឈប់ការឡាយផ្ទាល់នឹងធ្វើឲ្យរំខានដល់កិច្ចការងារក្នុងការប្រមូលពន្ធចូលរដ្ធដែលជាកាតព្វកិច្ចរបស់គយផងនោះ។
លោក យី ថុល ក៏ហាក់ដូចជាបានសារភាពថាខ្លួនពិតជាបានដកទូរស័ព្ទមួយគ្រឿងមែនយកមកទុកមួយសន្ទុះសិនហើយក៏ប្រគល់ឲ្យវិញទេ នៅក្នុងបំណងតែមួយគត់ គឺចង់អង្គុយពិភាក្សាគ្នា ក៏ប៉ុន្តែភ្លាមនោះហាក់បីដូចជាមានការភ័ន្តច្រឡំពីក្រុមអ្នកសារព័ត៌មានជាច្រើននាក់ បង្កឲ្យមានការភ្ញាក់ផ្អើលតែម្ដងទៅ។ក្នុងនោះដែរលោក យី ថុល ប្រធានការិយាល័យគយព្រែកចាកបានសង្កត់ធ្ងន់ថា កន្លែងដែលក្រុមអ្នកសារព័ត៌មានផ្សាយផ្ទាល់នេះ គឺជាកន្លែងដែលស្ថិតក្នុងដែនសមត្ថកិច្ចគ្រប់គ្រងរដ្ឋបាលការិយាល័យគយ បើសិនជាអ្នកសារព័ត៌មានចង់ចុះផ្សាយ ឬមួយក៏ចង់ធ្វើបទសម្ភាសន៍អ្វីនោះសូមឲ្យស្ថាប័នសារព័ត៌មានធ្វើជាលិខិតដាក់ចូលមកស្ថាប័នឬក៏រដ្ឋបាលរបស់លោកមក ហើយលោកក៏អាចនឹងយល់ព្រមធ្វើបទសម្ភាសន៍ជាមួយអ្នកសារព័ត៌មានបានដែរ។
ទោះបីជាមានការអះអាងយ៉ាងនេះក្តីអ្នកកាសែត ដែលទទួលបានការបណ្តុះបណ្តាលវិជ្ជាជីវៈគឺ សុទ្ធតែបានយល់ដឹងអំពីគោលការណ៍ Off Record និង On Record ប៉ុន្តែករណីមានសកម្មភាពបទល្មើសអ្នកកាសែតស្ថិតនៅទីសាធារណៈដើម្បីផ្តិតយករូបភាព ហើយទីតាំងនៃការិយាល័យគយនិងរដ្ឋាករព្រែកចាកក៏ជាកន្លែងរដ្ឋបាលសាធារណៈរបស់រដ្ឋ ដែលពុំមែនជាផ្ទះសម្បែងឬជាកន្លែងកម្មសិទ្ធផ្តាច់មុខរបស់បុគ្គលណាម្នាក់សម្រាប់លួចលាក់ធ្វើការងារដោយអាថ៌កំបាំងនោះឡើយ លើសពីនេះអ្នកកាសែតមិនបានទៅចូលថតនៅក្នុងបន្ទប់សម្ងាត់ឬក្នុងផ្ទះរបស់បុគ្គលណាមួយដែរ បើលោក យី ថុល ប្រកាន់ជំហរថាជាកន្លែងខ្លួនគ្រប់គ្រងនោះ សួរថាតើសិទ្ធិទទួលបានព័ត៌មាននៅក្រហែងមេឃណា?។
សូមជម្រាបថា មុននឹងឈានដល់មានជម្លោះបែកផ្សែងចំពេលដែលអ្នកសារព័ត៌មានទទួលព័ត៌មានពីប្រជាពលរដ្ឋនិងមន្ត្រីជំនាញក្រោយពីពិនិត្យឃើញថាទំនិញខូចគុណភាពរបស់ប្រទេសជប៉ុនបានបញ្ជូនទំនិញទាំងនោះ ត្រឡប់មកប្រទេសដែលជាអ្នកផ្គត់ផ្គង់បន្តគឺវៀតណាមវិញ ប៉ុន្តែទំនិញដែលគ្មានគុណភាពនិងស្ដង់ដារត្រឹមត្រូវនេះ បាននាំចូលយកមកលក់ឲ្យប្រទេសកម្ពុជាទៅវិញ ដែលអ្នកសារព័ត៌មានមួយចំនួនបានធ្វើការថតបាននៅខេត្តកំពត ដែលបើតាមការបញ្ជាក់ថាគយខេត្តកំពត បានធ្វើការរត់ចោលកន្លែងព្រោះតែដឹងថាសារព័ត៌មានទៅដល់ ហាក់ដូចជាមានការលាក់លៀម ដែលបង្ហាញពីប្រេងខូចគុណភាពជាច្រើនរយប៊ីដុងធំៗចំណុះ៣០លីត្រ ដែលតាមការបញ្ជាក់គឺប្រេងនេះ គឺជាប្រេងដែលប្រើសម្រាប់ឆាបាយ ឬសម្រាប់បំពងជាដើម ដែលបម្រុងនឹងលក់នៅក្នុងទីផ្សារប្រទេសកម្ពុជា ។
ជាក់ស្ដែងគយខេត្តកំពត មិនមានវត្តមាននៅកន្លែងនោះទេ ដោយអ្នកយកការណ៍បាននិយាយថា ប្រេងឆានេះគឺមានវាយអក្សរខ្មែរទៀតផង។ជាមួយគ្នានេះផងដែរ ក៏មានមីជាច្រើនកេះដែលត្រូវបានគ្របតង់ពីលើយ៉ាងជិតនៅកន្លែងនោះផងដែរ សម្រាប់ធ្វើការលក់នៅក្នុងស្រុក ដែលមានមីខ្លាឃ្មុំ ជាដើម។ហើយអ្វីដែលបញ្ជាក់ថាជាទំនិញរបស់វៀតណាមខុសច្បាប់នោះ គឺមានស្លាកលេខឡានរបស់ប្រទេសវៀតណាមផងដែរ ។
ករណីទំនាស់បែកផ្សែងយ៉ាងល្បីរបស់ស្ថាប័នរដ្ឋដែលសំបូរលុយច្រើនជាងគេក្នុងស្រុកខ្មែរនោះ គឺគេចាំមើលថា តើលោកបណ្ឌិត គុណ ញឹម មេគយធំជាងគេេម៉ាស្រុកខ្មែរ និងលោកបណ្ឌិត អូន ព័ន្ធមុន្នីរ័ត្ន កុង្សីយ៍លុយដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ នឹងចេញមុខបកស្រាយបំភ្លឺ ពន្យល់ដល់មហាជន និងសាធារណមតិជាតិ អន្តរជាតិ បែបណាដែរជុំវិញករណីដ៏កក្រើកមួយនេះ ?។ចំណែកក្រុមអ្នកកាសែតដែលមានស្ថាប័នក្រសួងព័ត៌មាន ជាអ្នកចេញ អាជ្ញាប័ណ្ណ និងប័ណ្ណព័ត៌មានឲ្យចុះយកព័ត៌មាមាន ដើម្បីដំណើរការអាជីវកម្មបោះពុម្ពចេញផ្សាយ ផ្សព្វផ្សាយព័ត៌មាន តាមទំព័រសារព័ត៌មាន និងតាមគេហទំព័រ អនឡាញ របស់អង្គភាពនិមួយៗនោះ លោក ខៀវ កាញ៉ារិទ្ធ រដ្ឋមន្ត្រីក្រសួងព័ត៌មានចេញមុខបកស្រាយ ពន្យល់ បែបម៉េចដែរ ?។(សូមរង់ចាំតាមដានតទៅទៀត)៕msk
