0

មេទ័ព​ជើងទឹក​វៀតណាម​ច្រើន​នាក់​ ​នឹង​ត្រូវ​កាត់ទោស​ពាក់ព័ន្ធ​ការបំពាន​ដី​រដ្ឋ

វៀតណាម​៖​ ​គណៈកម្មាធិការមជ្ឈិម​បក្ស​កុម្មុយ​និស្ត​វៀតណាម​ ​កាលពី​ថ្ងៃទី៥​ ​ខែឧសភា​ ឆ្នាំ២​ ​០១៩​ ​បាន​បញ្ជា​ឱ្យ​មានការ​កាត់ទោស​លើ​មេ​បញ្ជាការ​ទ័ពជើងទឹក​មួយចំនួន​ ​ដែល​ត្រូវ​បាន​រក​ឃើញថា​ ​មាន​ជាប់​ទាក់ទង​ការរំលោភ​បំពាន​ច្បាប់​ស្ដីពី​ការប្រើ​ប្រាស់​ដី​រដ្ឋ​ ​សម្រាប់​វិស័យ​ការ​ពារ​ជាតិ​ ​បណ្ដាល​ឱ្យ​ខាតបង់​ថវិកាជាតិ​ជាច្រើន​ ​និង​ប៉ះ​ពាល់​ដល់​កេរ្តិ៍ឈ្មោះ​ ​និង​កិត្តិយស​របfស់​បក្ស​។​
​ក្នុងចំណោម​មេបញ្ជាការ​ទ័ពជើងទឹក​ទាំងនោះ​ ​ក៏​មាន​ ​លោក​ឧត្តម​នាវី​ ​Nguyen​ ​Van​ ​Hien​ ​អតីត​អនុរដ្ឋ​មន្ត្រី​ក្រសួងការពារជាតិ​ ​និង​លោក​ឧត្តម​នាវី​រង​ ​Nguyen​ ​Van​ ​Tinh​ ​នៃ​ទ័ពជើង​ទឹក​វៀតណាម​ផង​ដែរ​។​
​គណៈកម្មាធិការ​ដដែល​ ​ក៏បាន​រក​ឃើញថា​ ​មេ​បញ្ជាការ​ ​២រូប​ទៀត​ ​ទទួលបន្ទុក​កិច្ចការ​នៅ​ភា​គ​ខាងត្បូង​ទន្លេមេគង្គ​ ​បាន​រំលោភ​លើច្បាប់​ប្រើ​ប្រាស់​ដី​ដែល​ជា​កម្មសិទ្ធិ​របស់​កងកម្លាំង​ការពារ​ជាតិ​ ​ក្នុង​នោះ​មាន​លោក​ឧត្តមសេនីយ៍ឯក​ ​Nguyen​ ​Hoang​ ​Thuy​ ​ដែល​ត្រូវ​បាន​ព្រមា​ន​ជា​ផ្លូវការ​ ​និង​លោក​អនុប្រធាន​បុគ្គលិក​ Tru​ ​ong​ ​Thanh​ ​Nam​ ​ដែល​ត្រូវ​បាន​ដកហូត​ពី​តំណែង​ទាំងអស់​ក្នុង​បក្ស​។​
​ការ​កាត់ទោស​នេះ​ ​គឺ​បន្ទាប់ពី​លោក​ប្រធានាធិ​​បតី​ ​Nguyen​ ​Phu​ ​Trong​ ​បាន​បញ្ជា​កាលពី​ខែមករា​កន្លងទៅ​ ​ឱ្យ​មេ​យោធា​គ្រប់រូប​នៅ​វៀត​ណាម​ ​ធ្វើការ​លុបបំបាត់​អំពើពុករលួយ​ ​ក្នុង​ការ​ប្រើ​ប្រាស់​ ​និង​គ្រប់គ្រង​ទ្រព្យសម្បត្តិ​របស់​រដ្ឋ​ ​។​
​គួរ​រំឭក​ថា​ ​កាលពី​ខែមេសា​ ​ឆ្នាំ២០១៨​ ​លោក​វរ​សេនីយ​ឯក​ ​Dinh​ ​Ngoc​ ​He​ ​បាន​ក្លាយជា​មន្ត្រី​យោធា​ជាន់ខ្ពស់​ទីមួយ​ ​ដែល​ត្រូវ​បាន​តុលា​ការ​កាត់ទោស​ ​ដោយ​ឱ្យ​ជាប់ពន្ធ​នា​គារ​ ​១២ឆ្នាំ​ ​ជុំវិញ​ការបំពាន​អំណាច​ ​និង​ការប្រើ​ប្រាស់​ឯក​សារ​ក្លែងក្លាយ​។​ ​បន្ទាប់មក​នៅ​ខែកក្កដា​ ​មន្ត្រី​ជាន់ខ្ពស់​នៃ​ទ័ពអាកាស​វៀតណាម​ ​២រូប​ទៀត​ ​ត្រូវ​បាន​ព្រមាន​ជា​លិខិតផ្លូវការ​ ​ក្នុងករណី​គ្រប់​គ្រង​ដី​រដ្ឋ​មិនបាន​ត្រឹមត្រូវ​។​ ​បន្ថែម​ពីនេះ​ ​មន្ត្រី​ជាន់ខ្ពស់​មួយចំនួន​ ​នៅ​ទីក្រុង​ហូជីមិញ​ ​និង​ទីក្រុង​ដា​ណាង​ ​ត្រូវ​បាន​ស៊ើបអង្កេត​ពាក់ព័ន្ធ​នឹង​ករណី​ស្រដៀងគ្នា​នេះ​ដែរ​៕

Filed in: សង្គម, អន្តរជាតិ

Leave a Reply

Submit Comment

ការិយាល័យនិពន្ធ កាសែត មហាសេនាខ្មែរ | ទូរស័ព្ទ៖ Tel: 012 916 569, 088 89 165 69, 069 32 1006

អ៊ីម៉ែល៖ mohasenakhmer@gmail.com | Website: www.msknews.net

សហការផ្តល់ព័ត៌មាន៖ 097 6125757 | អ៊ីម៉ែល៖ mohasenakhmer@gmail.com