រាជធានីភ្នំពេញ៖ នៅយប់ថ្ងៃទី០៩ ខែមេសា ឆ្នាំ២០១៩កម្លាំងរបស់មន្ទីរប្រឆាំងគ្រឿងញៀន នៃអគ្គស្នងការដ្ឋាននគរបាលជាតិ បានបើកប្រតិបត្តិការជាបន្ដបន្ទាប់ ហើយឈានទៅដល់ការចាប់ខ្លួនជនសង្ស័យ៣នាក់ ពាក់ព័ន្ធការជួញដូរគ្រឿងញៀន។ជនសង្ស័យដែលកម្លាំងជំនាញចាប់ខ្លួនបាន៣នាក់ ស្ថិតក្នុងមូលដ្ឋានខណ្ឌច្បារអំពៅ រាជធានីភ្នំពេញ ត្រូវបានគេបញ្ជាក់ថា មានម្នាក់ជាមន្ត្រីអាវុធហត្ថ ដែលមានតួនាទីជានាយរងការិយាល័យហិរញ្ញវត្ថុ។នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ ទទួលផែនប្រយុទ្ធប្រឆាំងគ្រឿងញៀន បាឲ្យដឹងនៅមុននេះបន្ដិចថាកម្លាំងរបស់មន្ទីរពិតជាបានឃាត់ខ្លួនជនសង្ស័យ៣នាក់ពិ តប្រាកដមែន ប៉ុន្ដែលោកមិនទាន់បានបញ្ជាក់អំពីអត្តសញ្ញាណជនសង្ស័យនៅឡើយទេ។ប៉ុន្តែទោះយ៉ាងណាក៏ដោយមន្ដ្រីអាវុធហត្ថដែលត្រូវបានចាប់ខ្លួនពាក់ព័ន្ធករណីគ្រឿងញៀននេះ ឈ្មោះវរសេនីយ៍ឯក ហោ រ៉ាពិណាត តួនាទីជានាយរងការិយាល័យហិរញ្ញវត្ថុ នៃបញ្ជាការដ្ឋានកងរាជអាវុធហត្ថលើផ្ទៃប្រទេស។សូមជម្រាបថា ចំពោះមន្ដ្រីអាវុធហត្ថទូទាំងប្រទេស នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស តែងតែដាក់បទបញ្ជាយ៉ាងម៉ឺងម៉ាត់ ហាមដាច់ខាតមិនឲ្យពាក់ព័ន្ធល្មើសអ្វីនោះទេ ហើយបើមន្ដ្រីណាដែលពាក់ព័ន្ធត្រូវទទួលទោសតាមច្បាប់៕
0
លោកវរសេនីយ៍ឯក ហោ រ៉ាពិណាត នាយរងការិយាល័យហិរញ្ញវត្ថុនៃបញ្ជាការដ្ឋានកងរាជអាវុធហត្ថលើផ្ទៃប្រទេសត្រូវបានចាប់ខ្លួនពាក់ព័ន្ធគ្រឿងញៀញ
Filed in: គ្រឿងញៀន, ព័ត៌មានជាតិ